Details
தல வரலாறு
தத்துவ தமிழ் உலகும் உன்னத நிலையை அடைய அவதரித்த ஞானப் பெரியோர்களில் தன்னிகரற்று விளங்கியவர்தான் ஸ்ரீமத் பாம்பன் சுவாமிகள் என வழங்கும் பாம்பன் ஸ்ரீமத் குமரகுருதாச சுவாமிகளாவார்கள். கி.பி. திருத்தேவையெனும் புண்ணியஸ்த் தலமாகிய இராமேஸ்வரத்தில் அவதரித்தவர்தான் நமது சுவாமிகள்.பாம்பன் எனும் புண்ணியபதியில் சைவநெறி சிறக்க சிவாலயப் பணியாற்றி வந்த சிவச்சீலர் சாத்தப்பபிள்ளைக்கும் செங்கமலம் அம்மையாருக்கும் தெய்வத்திருமகனாகத் தோன்றினார். எப்பாவும் தப்பாமே செப்பவல்லவராய் விளங்கிய நமது ஞானாசிரியருக்கு அப்பாவு எனப் பெயரிட்டார்கள் அப்போதே அவர் பெற்றோர்கள். தம்மையொத்த பிள்ளைகளோடு விளையாடுங் காலத்திலேயே ஞானியாகவும் அருள்வாக்குச் சித்தனாகவும். விளங்கும் தன்மை கொண்வராய் இவர் விளங்குவார் எனச்சோதிடர் ஒருவர் கூறியுள்ளார். ...தத்துவ தமிழ் உலகும் உன்னத நிலையை அடைய அவதரித்த ஞானப் பெரியோர்களில் தன்னிகரற்று விளங்கியவர்தான் ஸ்ரீமத் பாம்பன் சுவாமிகள் என வழங்கும் பாம்பன் ஸ்ரீமத் குமரகுருதாச சுவாமிகளாவார்கள். கி.பி. திருத்தேவையெனும் புண்ணியஸ்த் தலமாகிய இராமேஸ்வரத்தில் அவதரித்தவர்தான் நமது சுவாமிகள்.பாம்பன் எனும் புண்ணியபதியில் சைவநெறி சிறக்க சிவாலயப் பணியாற்றி வந்த சிவச்சீலர் சாத்தப்பபிள்ளைக்கும் செங்கமலம் அம்மையாருக்கும் தெய்வத்திருமகனாகத் தோன்றினார். எப்பாவும் தப்பாமே செப்பவல்லவராய் விளங்கிய நமது ஞானாசிரியருக்கு அப்பாவு எனப் பெயரிட்டார்கள் அப்போதே அவர் பெற்றோர்கள். தம்மையொத்த பிள்ளைகளோடு விளையாடுங் காலத்திலேயே ஞானியாகவும் அருள்வாக்குச் சித்தனாகவும். விளங்கும் தன்மை கொண்வராய் இவர் விளங்குவார் எனச்சோதிடர் ஒருவர் கூறியுள்ளார். அன்றொரு நாள் வெள்ளிக்கிழமை ஊரின் புறமாய் இருந்த தமது தென்னந்தோப்புகளைப் பார்வையிட அப்பாவு செல்கிறார் தோப்பினுள் இருப்பதை அறிந்து தாம் உள்ளே செல்லாமல் சூரிய உதயத்தை ரசித்தபடி புறத்தே நின்ற கொண்டிருக்கிறார். கீழ்வானம் சிவக்கக் கதிரவன் உதிக்கும் காலை நீலக்கடலும் செவ்வானமும் நீலமயிலும் அதன்மேல் செக்கர் வேள் பெம்மானும் விளங்குகின்றது. தம்மிடமிருந்த சஷ்டி கவசத்தைப் பார்க்கிறார் தாமும் சஷ்டி நாதம் மீது பாடல் பாடி துதிக்க வேண்டும் எனும் பேரவா பிறக்கின்றது அருணகிரிப் பெரும்மானை வைத்தே பாடலை முடிக்க வேண்டும் எனும் உந்தல் உள்ளத்தே உண்டாகிறது சுவாமிகளுக்கும் அருளலானார்.ஆம் சுவாமிகள் தம்மை அறியாமலேயே தமது வாக்கிற் கங்கையைச் சடையிற் பரித்து எனும் விசேட மங்கலமொழித் தொடர் ஆரம்பமாவதைக் கொண்டு பாட்டைப்பாடி எழுதி முடித்தார். அன்று தொட்டு நாள்தோறும் பாட்டொன்று எழுதி பன்னிருகையனை பூசித்து வரவலானார் நுறு தினங்களில் நுறுபாட்டெழுதி அவற்றை ஒன்றாகத் தொகுத்து இறை வணக்கமாக மூன்று பாடல்களைப் பாடி அவற்றைத்தாம் இயற்றிய பாடல் தொகுப்பின் முதலில் சேர்த்தார் அப்போது அவர்தம் வயது இருக்கலாம்.சுவாமிகள் பாம்பன் பதியிலே வாழ்ந்து வந்த காலத்தில் பெற்றோரின் விருப்பத்திற்கேற்ப திருமணம் செய்து கொண்டார் அவரது இல்லற வாழ்கையில் முரகனின் தெய்வீக நாடகம் நமக்கெல்லாம் அருட்காட்சியாகும். அவரது பெண் குழந்கை நோயுற்றபோது முருகப் பெருமான் திருநீறு புசி காப்பாற்றியது சுவாமிகளின் துணைவியார் வீட்டுவிலக்காய் இருந்த நாளில் அவரது கரத்தினாலேயே சுவாமிகளுக்கு நீறு பூசி நோயை போக்கியது குடம்ப வாழ்க்கையில் அவர் சந்திக்க நேர்ந்த வழக்குகளில் உற்ற துணையாக நின்று உதவியது இப்படி பலவற்றை விவரித்துக் கொண்டே போகலாம். இங்ஙனம் ஸ்ரீமத் பாம்பன் குமரகுருதாச சுவாமிகளின் திவ்ய வரலாற்றில் குமரவேள் இரண்டரக் கலந்துநின்ற அற்புத நிகழ்ச்சிகள் ஏராளமாகும். ஞானிகள் விவகாரம் உலக உபகாரம் என்பது ஆன்றோர் அருள் வாக்காகும். தமக்கு எற்பட்ட துன்பம் தீர ஆம் அண்டு மந்திர மறையாக விளங்கும் சண்முக கவசம் பாடி அருளினார். அதே ஆண்டில் கற்றோர் வியக்க அடியார்கள் களிக்க முருகப் பெம்மானே தமக்கு உகந்தது என்ற உவகையுடன் பாராட்டிய பரிபூஜன பஞ்சாமிர்த வண்ணம் எனும் பக்திப் பாசுரத்தை நமக்கெல்ம் வரப்பிரசாதமாக நமது அடிகளார் அருளினார்கள். அதே போன்று வெப்பு நோயினால் வேதனையுற்ற பாம்பனடிகள் அந்நோய் நீங்கும் பொருட்டு குமாரஸ்தவம் எனும் தோத்திரத்தை பாடி முடித்தார்கள் பிணியும் நீங்கியது. ஆக பாக்களாலே பன்னிருகையனைப் பாடிப் பரவிய பாம்பனடிகள் சிவஞானதீபம் முதலான உரைநடை நுல்களையும் வரைந்தருளினார்கள். கலியுக வரதனான கந்தவேள் இவ்விருபதாம் நுற்றாண்டில் நடத்திக் காட்டிய அற்புதம் துப்புரவு நாடு உயிரே சுப்பிரமணியத்தின் மேல் எப்பிரமம் உள்ளதியம்பு என்று நமது குருநாதரின் கூற்றுக்குச் சான்றாக விளங்குகின்றது. ம் ஆண்டு டிசம்பர் திங்கள் ம் நாள் பாம்பன் சுவாமிகள் சென்னை தம்புச் செட்டித் தெருவிலே நடந்து செல்கிறார்கள். அவ்வேளை அவ்வழியே வந்து கொண்டிருந்த குதிரை வண்டியொன்று அவர்மீது மோதிட ஸ்வாமிகளின் இடது கால் எலும்பு முறிந்துவிடுகின்றது அவரை சென்னை அரசினர் பொது மருத்துவ மனையில் கூடலானார்கள். சுவாமிகளின் சீடர் சுப்பிரமணியதாசர் என்பவர் முறிந்த கால் வடி ஸ்வாமிகள் குணமாக வேண்டி சண்முககவச பாராயணத்தா திடமான பக்கியுடன் மேற்கொண்டார்கள். துறவறம் மேற்கொள்ளும் முன்பிருந்தே நம் சுவாமிகள் உப்பு புளி காரம் போன்ற ஆகாரங்களை விலக்கி சாத்வீக ஆகாரமே ஏற்றுவந்தார்கள். அதுவே பின்னாளில் சேதுமாதவப் பெருமாள் கோயில் அர்ச்சகரும் சிறந்த முருகபக்தருமான சேதுமாதவ ஐயர் எனும் பெரியாரின் அறிமுகமும் அவர்மூலும் சடக்கர தீட்சையும் நமது சுவாமிகள் அப்பாவு பெறுவதற்கு சாதகமாக விளங்கியது. பாம்பன் சுவாமிகளின் வாழ்க்கையில் அருள் துணையாக விளங்கிய ஆறுமுக அண்ணல் அவரைக் கடிந்த கொள்ளவும் தயங்க வில்லை அந்த தெய்வீகத் திருவிளையாடலைக் காணலாம். பிள்ளைப் பருவத்திலிருந்தே நம் சுவாமிகளுக்குத் துறவு நோக்கம் இருந்து வந்தது. அந்த எண்ணத்தின் அடிப்படையில் தாம் பழனிசெல்ல வேண்டும் என்று கொண்டார்.இதனை அறிந்த சுவாமகளின் நண்பர் பழநிக்குச் செல்லுமாறு முருகப் பெருமாள் உத்தரவோ என்று கேட்கிறார்.இல்லையென்று சொன்னால் தமது பயணத்திற்று தடை நேரிடுமோ என்ற ஐயத்தால் பாம்பனாரும் ஆம் அண்டவன் கட்டளையே என்று கூறிவிட்டார்.முக்திக்கு வித்தான முருகப் பெருமானோ கோபத்துடன் சுவாமிகளைக் கடிந்து கொண்டதன்றி எமது கட்டளை என்று பொய் கூறியதால் இனி நான் பழநிக்கு வா என்று உனக்கு கட்டளை இடுகின்ற வரையில் பழநித்தலத்திற்கு வரக்கூடாது என்று ஆணையிட்டுவிட்டார். இத்தெய்வீகத் திருவிளையாடல் மூலம் இறைவனை நமக்கு உணர்த்துவதெல்லாம் ஒன்றுதான் மருந்துக்கு பத்தியம் அவசியம் என்பது போல் தெய்வத்திற்கு சத்தியம் மிகமிக அவகியம் என்பதே. கடிந்து கொண்ட கந்தவேள் கருணை காட்டவும் தயங்கவில்லை. தலயாத்திரை மேற்கொண்டு காஞ்சிபுரம் வந்த பாம்பனடிகள் பல்வேறு ஆலயங்களைத் தரிசித்து ஊருக்குப் புறப்படலானார்.வெள்ளைத் தலைப்பாகையும் வெண்மையான ஆடையும் வெண்ணீறும் துலங்கி செம்மேனி கொண்ட சைவர் ஒருவர் சுவாமிகளைச் சந்தித்து குமரக்கோட்டம் கண்டதுண்டோ என்று கேட்டார். அது எங்குள்ளது என்று இவர் கேட்க அவரும் சுவாமியை அழைத்து வந்து கொடிமரம் காட்டி குமரக் கோட்டம் இதுவே எனக் கூறி மறைந்தருளினார். பழநிக்கு வராதே எனத் தடைவிதித்த தயாளன் குமரக்கோட்டம் காட்டி மறைந்த லீலையை என்னென்று புகல்வது. ஒருநாள் சுவாமிகள் தமது நாற்பத்து நான்கு வயதில் பிரப்பன்வலசை என்னும் புண்ணிய பூமியில் கடுந்தவம் மேற் கொண்டார்கள்.ஏழாம் நாள் இரவில் செக்கர்வேள் பெம்மான் அருணகிரியும் அகத்தியனும் உடன்வர சுவாமிகள் முன் தோன்றி ஒர் இரகசிய வார்த்தையை உபதேசித்துவிட்டு முனிவர்களுடன் உடன்வர மேற்குதிசை சென்று மறைந்து விட்டார்.மொத்தம் முப்பத்தைந்து நாள் கடுந்தவமியற்றிய நம் அடிகளார் சித்திரைப் பௌர்ணமி நாளன்று தவம் நீக்கி வெளிவந்து அடியார்களுக்கு ஆசி வழங்கினார்.நிட்டை கூடிய காலத்தில் வள்ளி மணாளன் செய்தமந்திர உபதேச திரட்சியாக தகராலய ரகசியம் எனும் நுலியை நமக்கு சுவாமிகள் அருளினார்கள்.ஆகார நியம்திதினாலும் வயது காரணமாகவும் எலும்புகள் கூடுதல் கடினம் என்று கருத்து தெரிவித்தனர் அங்கிருந்த மருந்துவர்கள். மருத்துவமனையில் சேர்க்கப்பட்ட பதினோறாம் நாள் இரவு பெரியதும் சிறியதுமான இரு அழகிய மயில்கள் வலம் இடமாக ஆகாயத்திலே காட்சியளிக்க சுவாமிகள் தரிசித்தார்கள். பின்னொருநாள் செவ்விய குழந்தையொன்று தம்மருகே படுக்கையில் படுத்திருந்த காட்சியும் சுவாமிகளுக்குத் தெரிந்தது. பதினைந்து நாட்களிலே புண் ஆறிவிடும் மருத்துவமனையை விட்டு போகவேண்டாம் எனும் அசரீரிவாக்கும் அவருக்கு வெளிப்பட்டது அதேபோன்று கால் குணமாயிற்று. இந்த தெய்வீக காட்சியையே மயூரவாகன சேவனம் என்ற பெயரில் ஆண்டுதோறும் கொண்டாடப்பட்டு வருகின்றது.ம் ஆண்டு தமது காலத்தை உணர்ந்த பரம ஞானிகளான சுவாமிகள் தமது சீடர் சுப்பிரமணியதாசரை அழைத்து திருவான்மியூரில் தமக்கு இடம் பார்க்கச் சொல்கிறார்கள்.அன்று குருவாரம் காலை . மணியளவில் சுவாமிகள் சுவாசத்தை பலர்முன் உள்ளுக்கிழுக்க அது வெளிவராமல் உந்திக் கமலத்திலேயே அடங்கியது. சுவாமிகள் குகானந்தவடிவடைந்த திருநாள் வைகாசித்திங்கள் தேய்பிறை சஷ்டித் திருநாளாகும்.மறுநாள் வெள்ளியன்று திருவான்மியூரில் தமது ஏற்பாட்டின்படி பெறப்பட்ட புண்ணிய பூமியில் சவாமிகள் அனைவராலும் கொண்டாடப் பட்டு வருகின்றது.அடிகளார் அவனியில் அவதரித்தது வெள்ளிக்கிழமை முருகன் அருளால் முதற்பாடல் பாடியதும் வெள்ளிக்கிழமையே துறவுபூண்டு இல்லறம் துறக்க இறைவனை வேண்டியதும் வெள்ளிக்கிழமை முப்பத்தைந்து நாட்கள் மோனத்தவமிருந்து முருகன் உபதேசம் பெற்றதும் வெள்ளிக் கிழமையேயாகும்.அன்னார் இப்பூவுலகவாழ்வினில்தெய்வீகசாதனைபடைத்துதெய்வீகநிலைகொண்டதும் ஒர் வெள்ளிக்கிழமைதான் சுமிகளின் மங்கள் வரலாற்றில் வெள்ளிக்கிழமை ஒருவிஷேசமான நாளான விளங்குகின்றது.எனைத் தள்ளினாலும் எனை நம்பினவர் தள்ளேல் என்ற சுவாமிகளின் பிரார்த்தனை நமக்கு அருட்பிரசாதமாக இன்றும் என்றும் விளங்குகின்றது.என்னை ஆதரித்தருள் பரமரகசிய சக்தி எனை நம்பினாரைஆதரியாது நிற்குமோஐயம் வேண்டாம் என்ற அருள்வாக்கே நமக்கு தாரகமந்திரமாகும்.ல் இத்திருத்தலத்தை இந்து சமய அறநிலையத்துறை பொருப்பேற்றது பொருப்பேற்ற நாளிலிருந்து நிர்வாக அதிகாரியால் நிர்வாகம் நடைபெற்று வருகிறது. இத்திருக்கோயிலை புதுப்பித்துகட்டும் நோக்குடன் ல் பாலாலயம் செய்யப்பட்டது. பாம்பன் சுவாமிகளின் அடியார்களால் திருப்பணி செய்யப்பட்டு வாசற்கால் வைக்கப் பட்ட நிலையில் உள்ளது விரைவில் திருப்பணி முடிக்கப்பட்டு கும்பாபிஷேகம் செய்யக் கூடிய சூழ்நிலை உருவாகி வருகிறது. இத்திருக்கோயிலில் நான்கு காலப் பூஜை நடைபெறுகிறது. இத்திருக்கோயிலில் மாதம் தோறும் பௌர்ணமி பூஜை இரவு மணிக்கு நடைபெற்று வருகிறது. பல்லாயிரக்கணக்காண அடியார்கள் இப்பூஜையில் கலந்து கொண்டு ஐயன் திருவருளைப் பெற்றுச் செல்கிறார்கள். இத்திருக்கோயிலில் கீழ்கண்ட விழாக்கள் சிறப்பாக கொண்டாடப்பட்டு வருகிறது.