தல வரலாறு

தல வரலாறு: 1.மூலவர் ஆதிநாதர் தலவரலாறு: முற்காலத்தில் படைக்கும் தொழிலை செய்து வந்த நான்முகனாகிய பிரம்மன், மகாவிஷ்ணுவை குறித்து தவம் செய்ய சிறந்த இடத்தை பூலோகத்தில் தேடினார். அதற்குரிய இடத்தை கூறும்படி மகாவிஷ்ணுவிடமே வேண்டினார். அதற்கு மகாவிஷ்ணுவும், நான்முகனாகிய உன்னை நான் படைக்கும் முன்பே பூலோகம் தாமிரபரணி ஆற்றின்கரையில் யாம் சுயம்பு மூர்த்தமாக எழுந்தருளியுள்ளோம், அந்த இடமே உம் தவத்திற்கு ஏற்ற இடம் என்று கூறி புன்முறுவல் புரிந்தார். பிரம்மனும் பூலோகம் அடைந்து தாமிரபரணி ஆற்றின்கரையில் உள்ள தற்போதைய ஆழ்வார்திருநகரி பகுதிக்கு வந்து மகாவிஷ்ணுவை குறித்து கடுந்தவம் புரிந்தார். அந்த தவத்திற்கு இறங்கி மகாவிஷ்ணு பிரம்மனுக்கு காட்சியளித்து, குருவாக இருந்து படைப்பு தொழிலுக்குரிய வேத மந்திரங்களையும் உபதேசித்து அருளினார். இவ்வாறு பிரம்மன் இங்கு தவமியற்றுவதற்கு முன்பே...தல வரலாறு: 1.மூலவர் ஆதிநாதர் தலவரலாறு: முற்காலத்தில் படைக்கும் தொழிலை செய்து வந்த நான்முகனாகிய பிரம்மன், மகாவிஷ்ணுவை குறித்து தவம் செய்ய சிறந்த இடத்தை பூலோகத்தில் தேடினார். அதற்குரிய இடத்தை கூறும்படி மகாவிஷ்ணுவிடமே வேண்டினார். அதற்கு மகாவிஷ்ணுவும், நான்முகனாகிய உன்னை நான் படைக்கும் முன்பே பூலோகம் தாமிரபரணி ஆற்றின்கரையில் யாம் சுயம்பு மூர்த்தமாக எழுந்தருளியுள்ளோம், அந்த இடமே உம் தவத்திற்கு ஏற்ற இடம் என்று கூறி புன்முறுவல் புரிந்தார். பிரம்மனும் பூலோகம் அடைந்து தாமிரபரணி ஆற்றின்கரையில் உள்ள தற்போதைய ஆழ்வார்திருநகரி பகுதிக்கு வந்து மகாவிஷ்ணுவை குறித்து கடுந்தவம் புரிந்தார். அந்த தவத்திற்கு இறங்கி மகாவிஷ்ணு பிரம்மனுக்கு காட்சியளித்து, குருவாக இருந்து படைப்பு தொழிலுக்குரிய வேத மந்திரங்களையும் உபதேசித்து அருளினார். இவ்வாறு பிரம்மன் இங்கு தவமியற்றுவதற்கு முன்பே சுயம்பு மூர்த்தி பெருமாளாக எழுந்தருளியிருந்ததால் இத்தலத்திற்கு ஆதிபுரி என்றும் இப்பெருமாளுக்கு ஆதிநாதர் என்றும் பெயர் வந்தது. குருவாக இருந்து உபதேசித்ததால் திருகுருகூர் என்றும் சிறப்பிக்கப்படுகிறது. 2.மூலவர் நம்மாழ்வார் தலவரலாறு: முற்காலத்தில் காரிமாற பாண்டியன் என்ற குறுநில மன்னன் இப்பகுதியை ஆட்சி செய்து வந்தார். அவர் உடையநங்கை என்பவரை மணம் புரிந்தார். இவர்களுக்கு திருமணமாகி பல ஆண்டுகள் குழந்தைபேறு இல்லை. எனவே குழந்தை பேறு வேண்டி இவர்கள் ஆதிநாதரை வழிபட்டு வந்தனர். இவர்களின் வேண்டுதலுக்கு பலனாக வைகாசி மாத விசாக நட்சத்திர தினத்தில் கடக லக்னத்தில் ஓர் ஆண் குழந்தை பிறந்தது. அக்குழந்தைக்கு சடகோபன் என்னும் பெயர் சூட்டி வளர்த்து வந்தனர். அந்த குழந்தை மற்ற குழந்தைகளை போல உண்ணாமல், உறங்காமல், இமைக்காமல், தும்மாமல், அழாமல், அசையாமல் அப்படியே இருந்தது. இதனால் வருந்திய பெற்றோர் அக்குழந்தையை ஆதிநாதர் சன்னதியில் கிடத்தி கண்ணீர் மல்க வேண்டினர். அப்போது அதுவரை அசைவில்லாமல் கிடந்த குழந்தை தவழ்ந்து சென்று அங்கிருந்த புளியமரத்தினடியில் அமர்ந்துகொண்டது. அக்காட்சியை கண்ட பெற்றோர்கள் இது பெருமாளின் திருவிளையாடலே என்பதை உணர்ந்து அக்குழந்தையை தொந்தரவு செய்யாமல் பெருமாள் பார்த்துக்கொள்வார் என்று விட்டுச்சென்றார்கள். அதன்பின் 16 ஆண்டுகள் அக்குழந்தை அப்புளியமரத்தினடியில் அமர்ந்தபடியே யோக நிஷ்டையில் இருந்தது. 16 ஆண்டுகள் கழித்து கண்விழித்த அந்த குழந்தையே நம்மாழ்வார். வட தேச யாத்திரையில் இருந்த மதுரகவியாழ்வார் இங்கு வந்து வயதில் மூத்தவராய் இருந்தும் 16 வயது பாலகனான நம்மாழ்வாரை தன் குருவாக ஏற்று பணிவிடைகள் செய்து வந்தார். மதுரகவியாழ்வார் இக்குருகூர் வந்து முதன்முதலாக யோக நிஷ்டையில் இருந்த நம்மாழ்வார் மீது சிறு கல் எறிந்து எழுப்பினார். எழுந்த நம்மாழ்வாரிடம் செத்ததின் வயிற்றில் சிறியது பிறந்தால் எத்தை தின்று எங்கே கிடக்கும் என்ற கேள்வியை மதுரகவியாழ்வார் கேட்க, அதற்கு அக் குழந்தை நம்மாழ்வாரோ அத்தை தின்று அங்கே கிடக்கும் என்ற உயர்ந்த அத்வைதத்தை பதிலாக உரைத்தார். இதனால் மகிழ்ந்த மதுரகவியாழ்வார் ஆகா இவர் அல்லவா என் உண்மையான குரு என்று கூறி நம்மாழ்வாரை தன் குருவாக ஏற்றார். நம்மாழ்வாரை குருவாக ஏற்றதோடு அல்லாமல் நம்மாழ்வார் மீது தனி பாசுரங்களே பாடியுள்ளார். அவற்றுள் கண்ணி நுன் சிறுதாம்பு என்று துவங்கும் பாடல் பிரசித்தி பெற்றது ஆகும். நம்மாழ்வார் கண்விழித்ததும் வேதத்தின் சாரத்தையெல்லாம் பிழிந்து திருவாய்மொழியாக அருளினார். 3.திருக்கோவில் தல விருட்சம்: இங்கு தல விருட்சம் உறங்காப்புளி (புளியமரம்) இந்த விருட்சத்திற்கு திருப்புளி ஆழ்வார், உறங்காப்புளி என்னும் திருநாமங்கள் உண்டு. இந்த மரம் பூக்கும், காய்க்கும் ஆனால் பழுக்காது. இதன் இலைகள் இரவில் உறங்காது. எனவேதான் உறங்காப்புளி என பெயர் பெற்றது. இராமாயணத்தில் இலக்குமணன் ஸ்ரீராமபிரானுக்கு 14 ஆண்டுகள் உறங்காமல் கைங்கர்யம் செய்தது போல் இன்றளவும் இங்கு ஆதிசேஷன் நம்மாழ்வாருக்கு கைங்கர்யம் செய்து வருகிறார். இந்த புளியமரத்தின் அடியில்தான் நம்மாழ்வார் 32 ஆண்டுகள் உண்ணாமல் உறங்காமல் தவம் புரிந்தார். அவர் எந்த திவ்ய தேசத்திற்கும் சென்றதில்லை. மாறாக பல திவ்ய தேசத்து எம்பெருமான்கள் இங்கு வந்து இவருக்கு காட்சி கொடுத்தனர். நம்மாழ்வாரும் அவ்வெம்பெருமான்களை மங்களாசாசனம் செய்தார். இவருடைய மங்களாசாசன தமிழ் பாசுரங்களே, வடமொழியிலான நான்கு வேதங்களுக்கும் சமமான திவ்யப்ரபந்தங்களாக போற்றப்படுகின்றன. சுவாமி நம்மாழ்வார் நான்கு ஸம்ஸ்க்ருத வேதங்களுக்கு சமமாக தமிழில் அருளிச்செய்த நான்கு திவ்யப்ரபந்தங்களாவன: ரிக்வேதம்-திருவிருத்தம் யஜுர் வேதம் திருவாசிரியம் சாம வேதம் திருவாய்மொழி அதர்வண வேதம்-பெரியாதிருவந்தாதி நம்மாழ்வார் இல்லையேல் தமிழ் வேதங்கள் இல்லை (திவ்யப்ரபந்தகள்) இல்லை. சுவாமி நம்மாழ்வார் நான்கு சமஸ்கிருத வேதங்களுக்கு சமமாக தமிழில் அருளிச்செய்த நான்கு திவ்யப்ரபந்தங்களாவன: ரிக்வேதம் - திருவித்தம் யஜுர் வேதம் - திருவாசிரியம் சாம வேதம் - திருவாய்மொழி அதர்வண வேதம் - பெரியதிருவந்தாதி நம்மாழ்வார் தமிழ் வேதங்கள் எனப்படும். வைணவ திருக்கோயில்களில் நம்மாழ்வார் பெருமாளின் திருவடி (ஸ்ரீசடாரி) யாக போற்றப்படுகிறார். ஏனைய பதினோரு ஆழ்வார்களும் நம்மாழ்வாரின் அங்கங்களாக போற்றப்படுகின்றனர். நம்மாழ்வாருக்கு சடகோபன், மாறன், காரிமாறன், பராங்குசன், வகுளாபரணன், குருகைப்பிரான், குருகூர்நம்பி, திருவாய்மொழிப்பெருமாள், பொருநல்துறைவன், குமரித்துறைவன், பவரோக பண்டிதன், முனிவேந்து, பரப்பிரம்ம யோகி, ஞானதேசிகன், ஞானப்பிரான், தொண்டர்பிரான், நாவீரர், திருநாவீறு உடையபிரான், உதயபாஸ்கரர், வகுள பூஷண பாஸ்கரர், ஞானத் தமிழுக்கு அரசு, மெய்ஞானக்கவி, தெய்வஞானக்கவி, தெய்வ ஞான செம்மல், நாவலர் பெருமாள், பாவலர் தம்பிரான், வினவாது உணர்ந்த விரகர், குழந்தை முனி, ஞானத் தமிழ் கடல், ஸ்ரீவைஷ்ணவ குலபதி என பல்வேறு திருநாமங்கள் உண்டு.108 திவ்ய தேசங்களையும் தரிசித்தல் என்பது எல்லோராலும் இயலாத காரியம். சுவாமி நம்மமாழ்வார் ஸ்ரீமந்நாராயணனால் மயர்வற மதி நலம் அருளப்பெற்றவர். எனவே அவரைச் சேவித்தாலே நாம் 108 திவ்யதேசத்து எம்பிரான்களையும் சேவித்த பலனைப்பெறலாம். மதுரகவிகள் : ஸ்ரீ நம்மாழ்வாரைப் பற்றிப் பாடிய 11 பாடல்கள் கண்ணி நுன் சிறுத்தாம்பினால், கட்டுண்ணப் பண்ணிய பெருமாயன் என்னப்பனில் நண்ணித் தென்குருகூர்நம்பி யென்றக்கால் அண்ணிக்கும் அமு ஸ்ரீ நம்மாழ்வார் திருக்குருகூரைப் பற்றிப் பாடிய 11 பாடல்கள் ஒன்றுந்தேவு முலகு முயிருமற் றும்யாதுமில்லா அன்றுநான்முகன் றன்னோடு தேவருலுகோடுயிர் படைத்தான் குன்றம்போல் மணிமாட நீடு திருகுருகூரதனுள் நின்றவாதிப்பிரான் நிற்க மற்றெத் தெய்வம் நாடுதிரே.Read more

தல பெருமை

தல பெருமை இராமாயணத்தில் இலக்குமணன் ஸ்ரீராமபிரானுக்கு 14 ஆண்டுகள் உறங்காமல் கைங்கர்யம் செய்தது போல் இன்றளவும் இங்கு ஆதிசேஷன் நம்மாழ்வாருக்கு கைங்கர்யம் செய்து வருகிறார். உறங்காப்புளி என்று அழைக்கப்படும் புளியமரத்தின் அடியில்தான் நம்மாழ்வார் 32 ஆண்டுகள் உண்ணாமல் உறங்காமல் தவம் புரிந்தார். அவர் எந்த திவ்ய தேசத்திற்கும் சென்றதில்லை. மாறாக பல திவ்யதேசத்து எம்பெருமான்களும் இங்கு வந்து ஸ்ரீநம்மாழ்வாருக்கு காட்சி கொடுத்தார்கள்.நம்மாழ்வாரும் அவ்வெம்பெருமான்களை மங்களாசாசனம் பாட செய்தார். இவருடைய மங்களாசாசன தமிழ் பாசுரங்களே, வடமொழியிலான நான்கு வேதங்களுக்கும் சமமான திவ்யப்ரபந்தங்களாக போற்றப்படுகின்றன. சுவாமி நம்மாழ்வார் நான்கு சமஸ்கிருத வேதங்களுக்கு சமமாக தமிழில் அருளிச்செய்த நான்கு திவ்யப்ரபந்தங்களாவன: ரிக்வேதம் - திருவித்தம் யஜுர் வேதம் -...தல பெருமை இராமாயணத்தில் இலக்குமணன் ஸ்ரீராமபிரானுக்கு 14 ஆண்டுகள் உறங்காமல் கைங்கர்யம் செய்தது போல் இன்றளவும் இங்கு ஆதிசேஷன் நம்மாழ்வாருக்கு கைங்கர்யம் செய்து வருகிறார். உறங்காப்புளி என்று அழைக்கப்படும் புளியமரத்தின் அடியில்தான் நம்மாழ்வார் 32 ஆண்டுகள் உண்ணாமல் உறங்காமல் தவம் புரிந்தார். அவர் எந்த திவ்ய தேசத்திற்கும் சென்றதில்லை. மாறாக பல திவ்யதேசத்து எம்பெருமான்களும் இங்கு வந்து ஸ்ரீநம்மாழ்வாருக்கு காட்சி கொடுத்தார்கள்.நம்மாழ்வாரும் அவ்வெம்பெருமான்களை மங்களாசாசனம் பாட செய்தார். இவருடைய மங்களாசாசன தமிழ் பாசுரங்களே, வடமொழியிலான நான்கு வேதங்களுக்கும் சமமான திவ்யப்ரபந்தங்களாக போற்றப்படுகின்றன. சுவாமி நம்மாழ்வார் நான்கு சமஸ்கிருத வேதங்களுக்கு சமமாக தமிழில் அருளிச்செய்த நான்கு திவ்யப்ரபந்தங்களாவன: ரிக்வேதம் - திருவித்தம் யஜுர் வேதம் - திருவாசிரியம் சாம வேதம் - திருவாய்மொழி அதர்வண வேதம் - பெரியா திருவந்தாதி நம்மாழ்வார் இல்லையேல் தமிழ் வேதங்கள் இல்லை. நம்மாழ்வார் இல்லையேல் ஸ்ரீவைஷ்ணவ சம்ப்ரதாயமே இல்லை. வைணவ திருக்கோயில்களில் நம்மாழ்வார் பெருமாளின் திருவடி (ஸ்ரீசடாரி) யாக போற்றப்படுகிறார். ஏனைய பதினோரு ஆழ்வார்களும் நம்மாழ்வாரின் அங்கங்களாக போற்றப்படுகின்றனர். நம்மாழ்வாருக்கு சடகோபன், மாறன், காரிமாறன், பராங்குசன், வகுளாபரணன், குருகைப்பிரான், குருகூர்நம்பி, திருவாய்மொழிப்பெருமாள், பொருநல்துறைவன், குமரித்துறைவன், பவரோக பண்டிதன், முனிவேந்து, பரப்பிரம்ம யோகி, ஞானதேசிகன், ஞானப்பிரான், தொண்டர்பிரான், நாவீரர், திருநாவீறு உடையபிரான், உதயபாஸ்கரர், வகுள பூஷண பாஸ்கரர், ஞானத் தமிழுக்கு அரசு, மெய்ஞானக்கவி, தெய்வஞானக்கவி, தெய்வ ஞான செம்மல், நாவலர் பெருமாள், பாவலர் தம்பிரான், வினவாது உணர்ந்த விரகர், குழந்தை முனி, ஞானத் தமிழ் கடல், ஸ்ரீவைஷ்ணவ குலபதி, ப்ரபன்ன ஜன கூடஸ்தர் என பல்வேறு திருநாமங்கள் உண்டு. 108 திவ்ய தேசங்களையும் தரிசித்தல் என்பது எல்லோராலும் இயலாத காரியம். சுவாமி நம்மமாழ்வார் ஸ்ரீமந்நாராயணனால் மயர்வற மதி நலம் அருளப்பெற்றவர். எனவே அவரைச் சேவித்தாலே நாம் 108 திவ்யதேசத்து எம்பிரான்களையும் சேவித்த பலனைப்பெறலாம்.Read more

இலக்கிய பின்புலம்

ஸ்ரீ மதுரகவிகள் : ஸ்ரீ நம்மாழ்வாரைப் பற்றிப் பாடிய 11 பாடல்கள் கண்ணி நுன் சிறுத்தாம்பினால், கட்டுண்ணப் பண்ணிய பெருமாயன் என்னப்பனில் நண்ணித் தென்குருகூர்நம்பி யென்றக்கால் அண்ணிக்கும் அமு ஸ்ரீ நம்மாழ்வார் திருக்குருகூரைப் பற்றிப் பாடிய 11 பாடல்கள் ஒன்றுந்தேவு முலகு முயிருமற் றும்யாதுமில்லா அன்றுநான்முகன் றன்னோடு தேவருலுகோடுயிர் படைத்தான் குன்றம்போல் மணிமாட நீடு திருகுருகூரதனுள் நின்றவாதிப்பிரான் நிற்க மற்றெத் தெய்வம் நாடுதிரே.ஸ்ரீ மதுரகவிகள் : ஸ்ரீ நம்மாழ்வாரைப் பற்றிப் பாடிய 11 பாடல்கள் கண்ணி நுன் சிறுத்தாம்பினால், கட்டுண்ணப் பண்ணிய பெருமாயன் என்னப்பனில் நண்ணித் தென்குருகூர்நம்பி யென்றக்கால் அண்ணிக்கும் அமு ஸ்ரீ நம்மாழ்வார் திருக்குருகூரைப் பற்றிப் பாடிய 11 பாடல்கள் ஒன்றுந்தேவு முலகு முயிருமற் றும்யாதுமில்லா அன்றுநான்முகன் றன்னோடு தேவருலுகோடுயிர் படைத்தான் குன்றம்போல் மணிமாட நீடு திருகுருகூரதனுள் நின்றவாதிப்பிரான் நிற்க மற்றெத் தெய்வம் நாடுதிரே.Read more

புராண பின்புலம்

தல புராணம்: திருநெல்வேலியிலிருந்து, திருச்செந்தூர் செல்லும் நெடுஞ்சாலையில் இலக்கியங்களில் பேசப்படுகின்ற தன் பொருநல் என வழுவாத புகழை உடையதும், வண்டலம்பும் சோலைகளையுடையதும் குன்றம்போல் மணிமாட மாளிகைகள் சூழ்ந்திருப்பதும், சிரங்களால் அமரர் வணங்குவதும், வேதங்களில் ஆதிசேத்ரம் என்றும் அழைக்கப்பட்ட ஆழ்வார்திருநகரியாகிய இத்திருத்தலம் அமைந்துள்ளது. குருகு என்ற தமிழ்ச் சொல்லுக்கு, நாரை, கோழி, குருகத்தி, மதலான பல பொருட்கள் இருப்பதுடன் சங்கு என்ற பெருமை உண்டு. குருகு (சங்கு) பேறுபெற்ற தலமாகையால் இப்பகுதி திருக்குருகூர் ஆயிற்று எனக் கூறுவர். இந்த திவ்வியதேசம், மூர்த்தி, ஸ்தலம், தீர்த்தம் முதலிய பெருமைகளை பெற்று விளங்குகிறது. பிரளய வெள்ளத்தால் அழிந்த உலகம் மீண்டும் தோன்றும் போது முதலில் தோன்றிய பதியாதலால் ஆதிபுரி என்றும், சங்கு வலம் வந்து, பேறு எய்திய தலமாதலால் குருகூர் என்றும்,...தல புராணம்: திருநெல்வேலியிலிருந்து, திருச்செந்தூர் செல்லும் நெடுஞ்சாலையில் இலக்கியங்களில் பேசப்படுகின்ற தன் பொருநல் என வழுவாத புகழை உடையதும், வண்டலம்பும் சோலைகளையுடையதும் குன்றம்போல் மணிமாட மாளிகைகள் சூழ்ந்திருப்பதும், சிரங்களால் அமரர் வணங்குவதும், வேதங்களில் ஆதிசேத்ரம் என்றும் அழைக்கப்பட்ட ஆழ்வார்திருநகரியாகிய இத்திருத்தலம் அமைந்துள்ளது. குருகு என்ற தமிழ்ச் சொல்லுக்கு, நாரை, கோழி, குருகத்தி, மதலான பல பொருட்கள் இருப்பதுடன் சங்கு என்ற பெருமை உண்டு. குருகு (சங்கு) பேறுபெற்ற தலமாகையால் இப்பகுதி திருக்குருகூர் ஆயிற்று எனக் கூறுவர். இந்த திவ்வியதேசம், மூர்த்தி, ஸ்தலம், தீர்த்தம் முதலிய பெருமைகளை பெற்று விளங்குகிறது. பிரளய வெள்ளத்தால் அழிந்த உலகம் மீண்டும் தோன்றும் போது முதலில் தோன்றிய பதியாதலால் ஆதிபுரி என்றும், சங்கு வலம் வந்து, பேறு எய்திய தலமாதலால் குருகூர் என்றும், நம்மாழ்வார் கோயில் கொண்டு இருத்தலால் ஆழ்வார்திருநகரி என்றும் அழைக்கப்படுகிறது. ஊருக்கு நடுவில் ஆதிநாதர் திருக்கோயிலும், தெற்கு மாடத் தெருவின் கீழ்புறம் திருவேங்கடமுடையான் கோயிலும், மேல்புறம் திருவரங்கநாதன் கோயிலும், வடக்கு மாடத்தெருவின் மத்திய்ல பிள்ளைலோகக்காரியார், ஆழகர், தேசிகர் மற்றும் ஆண்டாள் திருக்கோயில்களும் இருக்கின்றன. திருக்கோயிலின் முன்னே தென்வடலாக சித்திரைத் தெருவும், மேலத் தெருவிற்கு மேற்கே உடையவர் கோயிலும், உய்யக்கொண்டார். பெரிய நம்பி, கிருஷ்ணன், திருக்கச்சிநம்பி, கூரத்தாழ்வான் கோயில்கள் உள்ளன. இப்பகுதி, இராமானுஜ சதுர்வேதி மங்கலம் என அழைக்கப்பட்டது. ஆழ்வார் கோயிலும் அதனைச் சார்ந்த இடமும், ஸ்ரீ பராங்குச சதுர்வேதி மங்கலம் என பெயர் பெற்றிருந்தது. வடக்கு ரத வீதியில் நம்பிள்ளை, வடக்கு திருவேங்கடமுடையான் கோயில் உள்ளது. திருக்குருகூரைச் சூழ ஐந்து மைல்கல் சுற்றியுள்ள இடம் திருவழுதை வளநாடு என்று பெயர் பெற்றிருந்தது. இந்நாட்டை நம்மாழ்வாராகிய காரிமாறன் சடகோபனின் முன்னோர் சிற்றரசராக இருந்து ஆட்சி புரிந்து வந்தனர். இத்திருவழுதி வளநாட்டில் ஆறு பெரிய ஊர்களும், அவற்றில் ஒன்பது திருமால் கோயில்களும் இருந்தன. அவை இன்று நவத்திருப்பதிகள் என்று அழைக்கப்படுகிறது. ஸ்ரீ ஆதிநாதர் கோயில் ஒரு காலத்தில் தாமிரபரணியாற்றின் கரையிலேயே இருந்தது. பின்னர் கோயிலையும், ஊரையும் பெரியதாய் அமைக்குமூ பொருட்டு வடக்கே ஆற்றின் கரையை தள்ளி வைத்து, தடுப்புச் சுவரும், படித்துறையும் கட்டினார்கள். ஸ்ரீ ஆதிநாதர் கோயிலும், புளியமரமும், ஆற்றையொட்டியிருந்தன. அப்புளியமரம், பொந்தாயிரம், புளியாயிரம் என அழைக்கப்பட்டு தற்போது உறங்காப்புளியாக பக்தர்களை தன்பால் ஈர்த்துக் கொண்டிருக்கிறது. ஆழ்வார்திருநகரியில் சுவாமி நம்மாழ்வார், ஸ்ரீ இராமானுஜர், மணவாளமாமுனிகள் முதலிய முப்பெரும் ஆச்சாரியார்கள் அவதரித்த ஸ்தலமாகையால் அதனை முப்புரியூட்டிய திவ்யதேசம் என்பர். ஆழ்வார், உடையவர், மணவாளமாமுனிகள் ஆகிய மூவரும் அவதரித்த திவ்விய தேசமான இது அகரம் (ஆழ்வார்), உகரம் (உடையவர்), மகரம் (மணவாளமாமுனி) என்கிற அ, உ, மகரங்களான அட்சரங்களைக் கொண்ட ஓம் என்கிற பிரணவ மந்திரத்தாலான திவ்ய தேசம் என்று கூறுவர்.Read more