About Temple

கடலூர் மாவட்டத்தில், காட்டுமன்னார்கோயிலுக்கு தெற்கே 7கி.மீ தொலைவிலும் சிதம்பரத்திலிருந்து 32 கி.மீ. தொலைவிலும் இத்திருக்கோயில் அமைந்துள்ளது. பேருந்து வசதி உண்டு வியாக்ரபாதர் (புலிக்கால் முனிவர்) சிவபெருமானைப் பூஜித்த இடங்கள் ஐந்து புலியூர்களில் ஒன்று ஓமாம்புலியூர் அருள்மிகு பூங்கொடிநாயகி உடனுறை துயர்தீர்த்தநாதர் திருக்கோயிலாகும். இத்தலத்தில் இறைவன் வியாக்ரபாதருக்கு நடராஜராக காட்சி அளித்த ஸ்தலமாகும். சிவபெருமானே குருதட்சணாமூர்த்தியாக இருந்து, ப்ரணவத்தின் உட்பொருளை பார்வதி தேவிக்கு உபதேசம் செய்த குருஸ்தலம். ஓம் என்னும் பிரணவத்திற்கு பொருள் உபதேசம் நடைபெற்ற இடமாதலால் ஓம் ஆம் புலியூர், ஓமாம்புலியூர் என வழங்கப்படுவதை அறியலாம். வியாக்ரபாத முனிவருக்கு இறைவன் அருள் செய்தமையால் இத்தலத்திற்கு வியாக்ரபுரி என்ற பெயரும் உண்டு. பார்வதிதேவி பிரணவ மந்திரத்தை உபதேசம் பெற்றதால் பிரணவபுரம் என்ற பெயரும் உண்டு. இறைவன் பிரணவ மந்திரத்தினை உபதேசித்ததாலும், வியாக்ரபாதருக்கு காட்சியளித்து இறைவனை பூஜித்ததாலும் பிரணவ வியாக்ரபுரீஸ்வரர் என்ற பெயரும் உண்டாயிற்று. இத்திருக்கோயிலில் வேறு எங்கும் இல்லாத வகையில் சுவாமி சன்னதிக்கும், அம்பாள் சன்னதிக்கும் நடுவில் குருதட்சிணாமூர்த்தி உபதேசக்கிரமத்தில் காட்சி தரும் சந்நிதி உள்ளது. புகழ்பெற்ற ஐந்து புலியூர்களின் சிவலிங்க உருவங்கள் சிறப்பாக உள்ளது. சலந்தரனை வெல்வதற்காக சிவபெருமான் திருமாலுக்கு... View